Si pure agge campa' sulo 'e speranza
si pure già te saccio 'mbraccio a n'ato
che male ca mme faje MARIA MARI'
ma dint' 'e bracce toje famme murì.
Indice
Musica di Sebastiano Giardino
Prima parte
Sfugliann' 'o libro de' fotografie
quanti ricorde doce
me portano addò te
po m'addimanno senz' ave' risposta
l'ammore, chill' ammore mo addo' stà.
Ritornello
Mme vot' e giro sulo pe 'sta casa
si parlo me risponne l'ombra mia
ogni penziero mio si tu MARI'
vurrie scurdarme 'e te, pe nun suffrì.
Seconda parte
'A stanza ' e lietto sta sempe 'nzerrata
m'addormo int' 'o divano
pecche nun ce staje tu'
penzann' a te se ferma 'o core 'mpietto
pe n'ascì pazzo, nun ce traso chiù.
Ritornello
Tutt'e rimasto tale, e quale a jere
comm' 'a lasciata, e po' te ne si ghjuta
m'addormo ca' speranza 'e te sunna'
ma manche 'nzuonno me vuo' accuntentà
Terza parte
Pe l'aria sento ancora 'nu prufumo
chillo ca te mettive
pe fà content' a mme'
nun me rassegno no' , nun me rassegno
pecche' 'o destino mio, si tu MARI' .
Ritornello
Si pure agge campa' sulo 'e speranza
si pure già te saccio 'mbraccio a n'ato
che male ca mme faje MARIA MARI'
ma dint' 'e bracce toje famme murì.
Indice